ओली सरकारका मन्त्रीलाई तत्काल पद छाड्न माओवादी केन्द्रको निर्देशन

काठमाडौं ।  नेकपा माओवादी केन्द्रको केन्द्रीय कमिटीको बैठक सकिएको छ ।नेकपा माओवादी केन्द्रले केपी शर्मा ओली नेतृत्वको सरकारमा रहेका आफ्नो पार्टीका मन्त्रीहरुलाई फिर्ता हुन फेरि निर्देशन दिएको छ ।

माओवादी केन्द्रबाट प्रतिनिधिसभामा प्रत्यक्षबाट जितेका ४ जना मन्त्री छन् भने राष्ट्रियसभाका गृहमन्त्री रामबहादुर थापा बादल छन् । प्रतिनिधिसभामा प्रत्यक्षतर्फ जितेका टोपबहादुर रायमाझी, लेखराज भट्ट, गौरीशंकर चौधरी र प्रभु साह मन्त्री छन् ।

आज बसेको केन्द्रीय कमिटीको बैठकले सबै मन्त्रीहरुलाई सामुहिक राजीनामा दिन निर्देशन दिएको सो पार्टीका उपाध्यक्ष नारायणकाजी श्रेष्ठले जानकारी दिएका छन् । आजको वैठकमा पार्टीको नाम परिवर्तनबारे पनि छलफल भएको थियो ।

नेकपा (माओवादी केन्द्र) को आजको वैठक सोमबार बिहान ११ बजे बस्ने गरी सकिएको प्रवक्ता नारायणकाजी श्रेष्ठले जानकारी दिएका छन् । आजको बैठकमा सातै प्रदेशका इञ्चार्जहरुले रिपोर्टिङ गरेका छन् ।