पैदलयात्रुलाई कुट्ने कारचालक खोज्दै प्रहरी

काठमाडौं । सडकमा हिंडिरहेका पैदलयात्रीलाई मुक्का हान्ने प्राइभेट गाडीका चालकको प्रहरीले खोज्न सुरु गरेको छ ।

मंगलबार दिउँसो बीच सडकमा हिंडिरहेका पैदल यात्रुलाई एक कार चालक ओर्लिएर कुटपिट गरेको भिडियो सामाजिक संजालमा भाइरल भएपछि प्रहरीले उनको खोजी सुरु गरेको हो । सामाजिक संजालमा अमानवीय ढंगले कुटपिट गर्ने ब्यक्तिको तीव्र आलोचना भएपछि प्रहरीले खोजी सुरु गरेको छ ।

कारबाट ओर्लिएर गाली गर्दै पिटेको भिडियो काठमााडौं उपत्यकाकै भएको प्रहरीको अनुमान छ । सार्वजनिक भएको भिडियोमा साझा यातायातको बससमेत देखिएकोले काठमाडौंकै भएको अनुमान गरिएको हो ।

जिल्ला प्रहरी परिसर काठमाडौंले उक्त भिडियो प्राप्त भइसकेको भन्दै कुट्ने कारचालकको खोजी सुरु गरिएको जनाएको छ । ।