‘नेताहरूले तलब खाएर नभई भ्रष्टाचार गरेर देश कमजोर भयो’: बालेन

काठमाडौं । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र साह(बालेन)ले प्रदेश संरचनामा भएको खर्चले देश कमजोर भएको भाष्य नै गलत भएको बताएका छन् ।

मंगलबार झापा–५ का मतदातासँग कुराकानी गर्दै बालेनले नेताहरूले तलब खाएर नभई भ्रष्टाचार गरेर देश कमजोर भएको बताए ।

उनले भने , ‘प्रदेश संरचनामा न्यून खर्च हो । तलबमा जाने न्यून खर्च हो । त्यो पनि एक भ्रम हो । मन्त्रीले र सांसदले खाएको तलबले यस्तो स्थिति आएको होइन ।’

उनले झापा-५ को कमला गाउँपालिकाका सुकुमवासी बस्तीमा पुगेर पनि मतदातासंगै छलफल गरेका छन् । उनले काठमाडौंमा बाढीबाट बचाउन सुकुमवासी बस्ती हटाउन खोजेको भन्दैत्यसलाई गलत प्रचार गरिएको बताए।