८ डीआईजी सरुवा : बागमती प्रदेश प्रहरी प्रमुखमा रेग्मी, लुम्बिनीमा खत्री

काठमाडौं । नेपाल प्रहरीले आठ डीआईजीको सरुवा गरेको छ ।

प्रहरी प्रधान कार्यालय नक्सालका अनुसार गृह मन्त्रालयको आइतबारको निर्णयानुसार उनीहरुको सरुवा गरिएको हो । प्रहरीका चारवटा प्रदेशमा प्रहरी प्रमुख (डीआईजी) हेरफेर भएका छन् ।

बागमती, गण्डकी, लुम्बिनी र कर्णाली प्रदेशका प्रहरी प्रमुखको सरुवा गरिएको प्रहरी प्रधान कार्यालयले जनाएको छ ।

सीआइबीमा रहेका डीआईजी भूपेन्द्रबहादुर खत्रीलाई लुम्बिनी प्रदेश प्रहरी प्रमुखको जिम्मेवारी दिइएको छ । बागमतीमा दीपक रेग्मीलाई सरुवा गरिएको छ भने गण्डकीमा दीपेन्द्र घर्ती क्षेत्रीलाई सरुवा गरिएको छ । जयराज सापकोटालाई कर्णाली प्रदेशमा सरुवा गरिएको छ ।