जनकपुरधाम, १६ बैशाख । सर्लाहीमा भएको झगडामा परी एक महिलाको मृत्यु भएको छ हरिपूर्वा नगरपालिका–८ मा दुई परिवारबीचको झगडामा परी ३५ वर्षिय सैदुन खातुनको मृत्यु भएको प्रहरीले जनाएको छ ।
स्थानीय खोददी खातुन र सैदुन खातुनको परिवारबीचको झगडा भएको थियो ।खोददी खातुनका छोराछोरी सैदुन खातुनको प्याजबारीमा गएको विषयमा झगडा सुरु भएको थियो । सुरुमा छोराछोरीबीच भएको झगडामा पनि अभिभावकहरु पनि मिसिएका सर्लाहीका प्रहरी प्रवक्ता एवं डीएसपी मदन कुँवरले जानकारी दिए ।
झगडाका क्रममा गम्भीर घाइते भएकी सैदुनलाई उपचारका लागि जनकपुरधामस्थित प्रादेशिक अस्पताल लैलाने क्रममा मृत्यु भएको उनले बताए ।
कुटपिटमा संलग्न पाँच जनालाई पक्राउ गरी घटनाको अन्य अनुसन्धान थालिएको प्रहरीको भनाइ छ ।
