सुवास नेम्वाङ भन्छन् – निर्वाचन वैशाखमै हुन्छ, तयारीमा जुटौं

इलाम । नेपाल कम्युनिस्ट पार्टी (नेकपा) केपी शर्मा ओली समूहका नेता सुवास नेम्वाङले वैशाखमै चुनाव हुनेमा ढुक्क रहन आग्रह गरेका छन् ।

इलाममा आज आयोजित नेकपा कार्यकर्ता भेटघाट कार्यक्रममा उनले निर्वाचनका लागि तयारी अवस्थामा बस्न सबैलाई आग्रह गरेका हुन् ।

कार्यक्रममा बोल्दै उनले वैशाखमा निर्वाचन हुनेमा आफू विश्वस्त रहेको र आगामी आम निर्वाचनका लागि तयारीमा रहन सबैलाई आग्रह गरेका हुन् ।

‘प्रधानमन्त्री केपी शर्मा ओलीलाई निर्वाचन घोषणा गर्ने काम दुई सय प्रतिशत उपयुक्त लागेर गर्नुभएको हो’ नेता नेम्वाङले भने, ‘सर्वोच्च अदालतले यसबारेमा अन्तरमि आदेश नदिनु भनेको निर्वाचन सम्बन्धी काम गर्दै गर्नु भनेको हो । यसैले चुनावी कार्यक्रममा जुट्नुपर्छ ।’