प्रभु बैंकमा सीआईबीको छापा, कागजात नियन्त्रणमा

काठमाडौं । नेपाल प्रहरीको केन्द्रीय अनुसन्धान ब्यूरो(सीआईबी)ले प्रभु बैंकमा छापा मारेको छ ।

अनामनगर, बिजुलीबजारस्थित बैंकको केन्द्रीय कार्यालयमा शुक्रबार बिहान छापा मारी कागजात नियन्त्रणमा लिएको सीआईबीले जनाएको छ ।

यसअघि प्रभु समूहका अध्यक्षसमेत रहेका देवीप्रकाश भट्टचनलाई कात्तिक ११ गते सीआईबीले पक्राउ गरेको थियो । नेकपा एमालेका पूर्वसांसद् समेत रहेका भट्टचनलाई पक्राउ गरेपछि सीआईबीले प्रभु बैंकमा समेत छापा मारी कागजात नियन्त्रणमा लिएको छ ।

९८ करोड रुपैयाँ ठगीबारे प्रभु म्यानेजमेन्टकी अध्यक्ष कुसुम लामाले दिएको जाहेरीको विषयमा अनुसन्धान गर्न भट्टचनलाई नियन्त्रणमा लिइएको थियो ।