ठगीकाण्डमा मुछिएका अर्जुन शाही जेनजीको नेता भएपछि….

काठमाडौं ।  बैदेशिक रोजगारको निम्ति कोरिया पठाइदिन्छु भनेर ३० लाख उठाएर फरार भएका अर्जुनबहादुर शाही केही दिनदेखि जेन्जीको सहसंयोजक भन्दै सरकारी कार्यालयका प्रमुखहरुलाई आतंकित पार्दैआएका छन् ।

जेनजीको प्रतिनिधि भन्दै अख्तियार दुरुपयोग अनुसन्धान आयोगदेखि विभिन्न सरकारी निकायमा पुग्ने, थर्काउने र राजीनामा माग्ने गरिरहेका छन् । एक किसिमनले समानान्तर सत्ताको अभ्यास शाहीहरुले गर्न थालेका छन् ।

केही युट्युबर र मिडिया बोक्दै सरकारी कार्यालयहरुमा जाने र थर्काउने गरेका शाहीको विगतका ठगी र बदमासीबारे संचारकर्मी श्रीकृष्ण फुयाँलले भिडियो नै सार्वजनिक गरेका छन् । फुयाँलको झन्डै १० लाख खाएर भागिरहेका शाही थुप्रै ठगीमा मुछिएको उनले लिएका चेक बाउन्सले पुष्टि भएको छ । फुयाँलले भिडियोमा पनि शाहीका कर्तुतहरुका बारेमा भनेका छन् । शाहीले रेडस्टार प्रोडक्सन एण्ड मिडिया हाउसको चेक फुयाँललाई दिएका थिए । रकम नभएको चेक दिएपछि फुयाँलले प्रहरीमा बैकिङ कसुरमा जाहेरी दिएका थिए ।

अख्तियारका पदाधिकारीदेखि सरकारी कार्यालयका प्रमुखको विरुद्धमा चर्काे स्वरमा राजीनामा माग्ने तिनै शाहीबिरुद्ध महाराजगन्ज प्रहरी वृत्तमा २०८२ बैशाख ३० गते ठगीमा प्रकाउ गरी कारवाही गरिपाउँ भन्दै श्रेकृष्ण फुयालले उजुरी गरेका थिए । उनले खरिद गरेको गाडीदेखि बैदेशिक रोजगारीका निम्ति कोरिया लगायतका देशमा पठाइदिन्छु भन्दै ठगी गर्दै हिंडेका उनलाई कारबाहीको निम्ति विभिन्न निकायमा पीडितहरुले उजुरी हाल्दै खोजिरहेका थिए । तर तिनै शाही केही दिनदेखि विभिन्न सरकारी निकायमा पुग्ने र प्रमुख लगायतका कर्मचारीलाई धम्की दिने, राजीनामा माग्ने गरेका छन् ।

आफैं ठगीमा संलग्न शाहीले जेनजी बनेर सरकारी कार्यालयमा मच्चाएको आतंक गृहमन्त्रालयले रोक्न नसक्नु अर्को बिडम्बना भएको छ । उनले ऋषि धमलाको रिपोर्टर्स क्लवमा अष्ट्रेलियाको भिसा २ पटक लगाएर विमानस्थलबाट रुँदै फर्किएको अर्को सफेद झुटो कुरासमेत गरेको खुलासा भएको छ ।

शाहीले पछिल्ला दिनमा झण्डै ८ वटा फोन प्रयोग गरी सरकारी कर्मचारीलाई धम्काउने गरेको आरोप छ ।

सरकारी कार्यालयका प्रमुखहरु भयभीत र आतंकित बनाउने शाहीको अपराधपूर्ण बिगतबारे एकपछि अर्को तथ्य खुल्न थालेको छ ।

श्रीकृष्ण फुयाालकै मुखबाट सुनौं अर्जुनबहादुर शाहीका ठगी शृंखला