शिक्षक आन्दोलनमा ऐक्यबद्धता जनाउन बानेश्वर पुगे माधव नेपाल र झलनाथ खनाल

काठमाडौं । नेकपा एकीकृत समाजवादीका अध्यक्ष माधव नेपाल र सम्मानित नेता झलनाथ खनालले बानेश्वर पुगेर शिक्षक आन्दोलमा ऐक्यबद्धता जनाएका छन्।

आज ११ बजे देखिसुरु भएको आन्दोलनमा सहभागी हुँदै उनीहरुले त्यहाँ केही समय बिताएका थिए। उनीहरुलाई नेपाल शिक्षक महासंघका अध्यक्ष लक्ष्मीकिशोर सुवेदीले स्वागत गरेका थिए।

आन्दोलनमा पुगको नेपालले पत्रकारहरूलाई संक्षिप्त प्रतिक्रिया दिँदै भने, ‘शिक्षक आन्दोलनमा ऐक्यबद्धता जनाउन हामी आएका हौँ।’ विद्यालय शिक्षा ऐन चाँडो ल्याउनुपर्नेसहतिका माग गरेर २७ दिनदेखि शिक्षकहरु आन्दोलित छन्।

हिजो आइतबार शिक्षकहरुको आन्दोलनमा सरकारले दमनमारी रुपमा पानिको फोहोरा हानेको थियो । आइतबार प्रहरी र शिक्षकहरुबीच भएकामे झडपमा परि शिक्षक र पत्रकारहरु घाइते भएका छन् । सरकारले दमनकारी रुपमा आन्दोलन विथोल्न खोजेको भन्दै आजबाट शिक्षकमहासंघले झन आन्दोलन चर्काउने बताएको थियो ।