संसद्‌को गतिरोध अन्त्य गर्न छलफलमा जुटे सभामुख र राष्ट्रिय सभा अध्यक्ष

काठमाडौं । सभामुख देवराज घिमिरे र राष्ट्रिय सभा अध्यक्ष नारायणप्रसाद दाहालबीच छलफल सुरु भएको छ । संसद्‌मा जारी गतिरोध अन्त्य गर्न उनीहरू छलफलमा जुटेका हुन् ।

कुलमान घिसिङलाई नेपाल विद्युत् प्राधिकरणको कार्यकारी निर्देशक पदबाट हटाएको कारण माग गर्दै विपक्षीले संसद अवरोध गर्दै आएको छ ।

उनीहरूले संसद्मा प्रधानमन्त्रीले नै यसबारे जवाफ दिनुपर्ने माग गर्दै आएका छन् । बिहान ११ बजेका लागि बोलाइएको बैठक सूचना टाँस गरेर समय सार्दै आइरहेको छ ।

आजमात्रै संसद् सचिवालयले तीनवटा सूचना जारी गरिसकेको छ । गत १३ चैतबाट अवरुद्ध बैठक नचल्दा संसदलाई अध्यादेश प्रतिस्थापन विधेयक पारित गराउन सकस हुने देखिएको छ ।