अनेरास्ववियुको राहत बितरण कार्यक्रममा हंगामा, राहत बाँड्नेबारे सहसंयोजक नै बेखबर

 

काठमाडौं, ६ बैशाख । नेपाल कम्युनिष्ट पार्टी निकट अनेरास्ववियुका संयोजक ऐन महरले आज कीर्तिपुरमा विद्यार्थीहरुलाई राहत बितरण गर्ने भनेर बोलाएका थिए । जुन राहत बितरण कार्यक्रमले उनलाई विवादमा तानेको छ ।

 महरले राहत बितरण गर्ने भनेपछि कीर्तिपुरमा विद्यार्थीको भीड लाग्यो । सरकारले २५ जनाभन्दा बढी भेला नगर्न दिएको निर्देशन दिएको छ । तर कीर्तिपुरमा सयौंको संख्यामा जम्मा भए । जुन लकडाउनको उल्लंघन थियो । सरकारी निर्णयको उल्लंघन थियो । अध्यक्ष महरले राहत बितरण गर्न थाले । राहत बितरण गर्दै जाने क्रममा पुगेन । राहतका लागि सयौंको संख्यामा भेला भएका विद्यार्थीले राहत नपाएपछि त्यहाँ विवाद र होहल्ला भएको थियो । होहल्ला भएपछि राहत बितरणका लागि गएका संयोजक महर बीचैमा हिंडेका थिए । उनी गायब भएपछि झन् ठूलो होहल्ला र नाराबाजी भएको थियो । होहल्लामा सयौंको संख्यामा देखिएका विद्यार्थीले लकडाउनलाई नै चुनौती दिइरहेका थिए । 

राहतको खाद्यान्न ।

राहत बितरणका नाममा कीर्तिपुरमा विद्यार्थी भेला गरेर संयोजक महरले लकडाउनको उल्लंघन गरेको भनी सामाजिक संजालमा चर्को बिरोध भइरहेको छ । ब्यक्तिले यो महामारीमा राहत बाँड्ने होइन, स्थानीय निकाय वा सरकारी संयन्त्र मार्फत् बाँड्न सहयोग गर्नुपर्ने सुझाव पनि संयोजक महरलाई सामाजिक संजालमा दिइएको छ । राहत बितरणबारे सहसंयोजक रंजित तामाङलाई जानकारी थिएन । कार्यकारी अध्यक्ष पुष्पकमल दाहाल र माधव नेपाल पक्षका विद्यार्थीनेता कसैलाई पनि खबर नगरी कार्यक्रम गरिएको थियो ।  

अनेरास्ववियुका सहसंयोजक रंजित तामाङसँग कीर्तिपुरको राहत बितरण कार्यक्रम संगठनले राखेको हो भन्ने प्रश्न गर्दा उनले भने–‘अध्यक्ष ऐन महरले नै राखेकाले संगठनको होइन भन्न त मिलेन । तर सरसल्लाह र योजनाबद्ध हिसाबले भएको होइन । मलाई त थाहा पनि थिएन ।’

 अनेरास्ववियुका नेता सुदेश पराजुलीले आपूmलाई संगठनले राहत बितरण गर्न लागेको जानकारी नभएको बताए । उनले भने, हामीलाई राहत बितरणबारे जानकारी छैन । अनेरास्ववियुले संस्थागत रुपमा उक्त राहत बितरण कार्यक्रम नराखेको सहसंयोजक तामाङ र केन्द्रीय सदस्य पराजुलीको भनाइबाट पनि स्पष्ट भएको छ ।

राहतको खाद्यान्न कहाँबाट ल्याइयो भन्ने प्रश्न पनि संगठनभित्रै उठेका छन् ।