कांग्रेसमा भ्रातृ संस्थाको महाधिवेशनको चटारो, छलफलमा जुटे देउवा

काठमाडौं । सधैं टीकेप्रथाका आधारमा छनोट हुँदैआएका नेपाली कांग्रसेका भातृसंस्थाको महाधिवेशन गर्नुपर्ने बहस भइरहेको छ । कांग्रेसका प्रायः सबै भातृसंस्थाका अध्यक्षदेखि कार्यसमितिका सबै मनोनीत गर्ने, महाधिवेशन नगर्ने परम्परा नै बसिसेको छ ।

टीकेप्रथाबाट नियुक्त गरिएका भातृसंस्था गतिशील हुननसकेकोले महाधिवेशन गरेर नेतृत्व चयन हुनुपर्ने बहस कांग्रेसभित्र भइरहेको छ । पार्टीमा बहस चर्किएपछि सभापति शेरबहादुर देउवा समेत भ्रातृ संस्थाको महाधिवेशन गराउन छलफल गर्दैछन् ।

आज छलफलका लागि सभापति देउवाले भातृ संस्थाका अध्यक्षलगायतको संयुक्त बैठक बोलाएका हुन् । बैठक पार्टी केन्द्रीय कार्यालय सानेपामा दिउँसो १ बजे बस्नेछ ।

भातृ संस्थाको महाधिवेशनको समन्वय र सहजीकरण गर्न बनेको पार्टीको निर्देशक समिति र भातृ संस्थाका अध्यक्षको बैठक बस्ने तय भएको कांग्रेसले जनाएको छ ।
तदर्थमा रहेका भातृ संस्थाको महाधिवेशन गराउने विषयमा बैठकमा छलफल हुनेछ ।