काेराेना नियन्त्रणमा लाग्दा विकास निर्माणका काममा बाधा पुग्योः मन्त्री ढकाल

काठमाडौं । संस्कृति पर्यटन तथा नागरिक उड्डयन मन्त्री भानुभक्त ढकालले काेराेनाले विकास निर्माण लगायतका कामहरु ओझेलमा परेकाे बताएका छन् । 

बिहीबार नेपाल पर्यटन बोर्डको २२औं वार्षिकोत्सव कार्यक्रममा मन्त्री ढकालले कोभिड-१९ बाट मानव जीवन जोगाउन सरकारको ध्यान केन्द्रीत हुँदा विकास निर्माण, पर्यटन लगायतका क्षेत्रका कार्यक्रमहरु कार्यान्वन गर्न नसकिएको बताए ।

साथै उनले काेराेनाका कारण पर्यटन वर्ष २०२० स्थगित गर्नुपरेको र यसले पर्यटन क्षेत्रमा ठूलो क्षति निम्त्याएको बताए ।

कोभिडका कारण ठप्प भएको पर्यटन क्षेत्रको विकासका लागि सरकारले गर्न सक्ने कामहरु गर्न मन्त्रालय प्रतिवद्ध रहेको उनकाे भनाइ छ ।