\’सरकार, निमुखाको मुकदर्शक बन्नु हुन्न\’ देउवा

काठमाडौं, ५ बैशाख । मजदुरी र ज्यालामा काम गर्ने नागरिक सयौँ मिटर हिडेर घर जाँदा पनि सरकार मुकदर्शकको रुपमा हेरि बसेको आरोप नेपाली कांग्रेसका सभापति शेरबहादुर देउवाले  लगाएका छन । उनले काठमाडौंबाट घरतर्फ हिँडेका नागरिकलाई सुरक्षित रुपले गाउँ पुर्‍याउने व्यवस्था मिलाउन सरकारसँग आग्रह गरेका छन् ।

उनले शुक्रबार ट्वीट गर्दै  सरकारमा बसेकाले निमुखाको त्यो यात्राको दर्शकमात्र हुन नमिल्ने बताएका हुन् ।

 काठमाडौंमा श्रम गरिरहेका नागरिकहरु खाना र बस्ने व्यवस्था नुहदा सयौं किलोमीटर पैदल हिंडेर घर गइरहेका छन्।सरकारको भरथेग सबैभन्दा बढि तिनै निमुखा जनतामाथि हुनुपर्ने हो।तर सरकारमा बसेकाहरु ति निमुखाहरुको त्यो यात्राको दर्शक मात्रै भएका छन।

 उनले भनेका छन् ‘सरकारको भरथेग सबैभन्दा बढी तिनै निमुखा जनतामाथि हुनुपर्ने हो, तर सरकारमा बसेकाहरु ती निमुखाको त्यो यात्राको दर्शकमात्र भएका छन् ।’

लकडाउन लम्बिँदै जाँदा काठमाडौंमा सयौं सर्वसाधारण पैदलै हिँडेर आफ्नो थातथलोतर्फ लागेका छन् । गृह मन्त्रालयले यसरी यात्रा गर्नेहरुलाई रोकेर जहाँबाट हिँडेको त्यहीँ फर्काउने गरेको छ ।

सरकारले श्रमिक र मजदुर जहाँ छन्, त्यहीँको स्थानीय तहले खाने बस्ने व्यवस्था मिलाउनुपर्ने बताए पनि सयौं मानिसहरु खान बस्नकै समस्या हुँदा दैनिक लामो पैदलयात्रा गरिरहेका छन् ।