अभिनेता सैफअली खानमाथि ज्यान लिनेगरी चक्कु आक्रमण

मुम्बइ – बलिउड अभिनेता सैफ अली खान माथी ज्यान लिने हमला भएको छ । वास्तवमा मुम्बईको ब्रान्डामा रहेको अभिनेताको घरमा चोर पसेका थिए । यसै क्रममा चोरले सैफलाई आक्रमण गर्दा उनी गम्भिर रूपमा घाइते भएको जनाइएको छ ।

यो घटना करिब राती २ः३० बजेको हो । अभिनेता हाल लीलावती अस्पतालमा भर्ना छन् । प्रहरीले अहिले एक विज्ञप्ति जारी गर्दै सम्पूर्ण घटनाको खुलासा गरेको छ ।

मुम्बई पुलिसका डीसीपीले अभिनेता सैफ अली खानको घरमा अज्ञात व्यक्ति प्रवेश गरेको बताएका छन् । अभिनेता र घुसपैठकर्ता बीच झडप भएको थियो जसमा अभिनेता घाइते भएका थिए र हाल उनको उपचार भइरहेको छ।

मुम्बइ पुलिसले सैफ अली खानको घरमा काम गर्ने तीन जनालाई हिरासतमा लिएको छ। तीनै जनालाई नियन्त्रणमा लिएपछि प्रहरीले उनीहरुलाई प्रहरी चौकीमा लगेर सोधपुछ गरिरहेको छ ।

यी सबै बीचमा लीलावती अस्पतालले सैफ अली खानको हाल शल्यक्रिया भइरहेको पुष्टि गरेको छ । यस हमलामा सैफ अली खानको घाँटीको पछाडि १० सेन्टिमिटर कटेको र देब्रे हातमा काटिएको निशान छ ।

यो खबरपछि फ्यानहरु तनावमा छन् र अभिनेताको छिटोभन्दा छिटो स्वास्थ्य लाभको कामना गरिरहेका छन् ।