चिनियाँ राजदूत र पूर्व सभामुख महराबीच भेटवार्ता

काठमाडौं । चिनियाँ राजदूत होउ यान्छीले पछिल्लो केहीदिनयता राजनीतिक भेटघाटलाई तीव्र बनाएकी छिन् । सत्तारूढ दल  नेपाल कम्युष्टि पार्टी ( नेकपा )औपचारिक रुपमा अलग -अलग कित्तामा रहेर कानुनी लडाईमा रहेका बेला यान्छीले  राजनीतिक भेटघाटलाई तीव्र बनाएकी हुन् ।
चिनियाँ राजदूत होउ यान्छीले आज पूर्व प्रधानमन्त्री माधव नेपाल र पुर्व सभामुख कृष्णबहादुर महरासँग भेटवार्ता गरेकी छिन् । चिनियाँ राजदूत यान्छी महरालाई भेटन् उनको निवास खुमलटार पुगेकी हुन् । भेटमा पछिल्लो राजनीतिक अवस्थाको बारेमा छलफल भएको बताइएको छ ।

नेकपाको स्थायी समितिमा नियुक्त भएका महरासंग चिनियाँ राजदूतले सत्तारुढ दल नेकपाकाको विभाजनको कारण र फेरी एकताको सम्भावनाको वारेमा चासो राखेको स्रोतको दावी छ ।

यसअघि चिनियाँ राजदूतले राष्ट्रपति विद्यादेवी भण्डारी ,नेकपाका अध्यक्ष प्रचण्ड र पूर्व उर्जामन्त्री वर्षमान पुनसँग पनि भेटवार्ता  गरेकी थिईन ।