संसद् विघटनविरुद्धका रिटमा सुनुवाइका लागि प्रधानन्यायाधीशको नेतृत्वमा ५ न्यायाधीश तोकिए

काठमाडौं । प्रतिनिधिसभा विघटनविरुद्ध परेका रिटमा आज संवैधानिक इजलासमा सुनुवाइ हुँदैछ । बुधबार प्रधानन्यायाधीश चोलेन्द्रशमशेर जबराको एकल इजलासले प्रतिनिधिसभा विघटनबिरुद्ध परेका सबै रिट संबैधानिक इजलासमा पठाएका थिए ।

प्रधानन्यायाधीश जबराले संवैधानिक इजलासमा पठाएका रिटहरूमाथि जबरासँगै न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजप्रसाद केसीकाे इजलासले सुनुवाइ गर्नेछ ।

उक्त इजलासमा आज प्रतिनिधि सभा विघटनविरुद्धका रिटहरूलाई पहिलो प्राथमिकतामा राखेर पेशी तोकिएको छ । यसअघि प्रधानन्यायाधीश जबराको एकल इजलासले प्रतिनिधि सभा विघटनविरुद्ध परेका रिटहरू संविधानको धारा ७६ को व्याख्यासँग सम्बन्धित रहेकाले संवैधानिक इजलासमा पेश गर्न आदेश दिएका थिए ।

रिट निवेदकहरुको तर्फबाट बहस गर्दै बरिष्ठ अधिवक्ताहरुले प्रतिनिधिसभा पुनस्र्थापनाको लागि अन्तरिम आदेश नै माग गरेका थिए । तर प्रधानन्यायाधीश राणाले सबै रिट संवेधानिक इजालसमा पठाएका छन् ।

संविधानमा प्रतिनिधिसभा पुनुस्र्थापनाको ब्यवस्था नै नभएकाले सर्वोच्च अदालतले संविधानको रक्षाका लागि पनि पुनस्र्थापना गर्नैपर्ने माग पूर्वन्यायाधीशदेखि पूर्वप्रधानन्यायाधीहरुले गर्दैआएका छन् ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले पुस ५ गते संसद विघटन गर्दै आगामी वैशाख १७ र २७ गते दुई चरणमा निर्वाचनको मिति घोषणा गरेकी थिइन् । राष्ट्रपतिको घोषणाविरुद्ध सर्वोच्च अदालतमा १३ वटा रिट परेका छन् ।