नागार्जुनका मेयरसँगै माउन्टेन टेलिभिजनका मालिकबिरुद्ध समेत मुद्दा दायर

काठमाडौं ।  अख्तियार दुरुपयोग अनुसन्धान आयोगले नागार्जुन नगरपालिकाका मेयर मोहनबहादुर बस्नेतविरुद्ध विशेष अदालतमा भ्रष्टाचारको मुद्दा दायर गरेको छ ।

मेयर बस्नेतको सम्पत्ति शद्धीकरणमा मद्दत गर्ने पदम कोलोनीका संचालक तथा माउन्टेन टेलिभिजनका मालिक राजुप्रसाद कँडेलबिरुद्ध पनि अख्तियारले मुद्दा दायर गरेको छ । अख्तियारले आइतबार मेयर बस्नेत, उनकी श्रीमती उर्मिला बस्नेत र राजु कँडेलबिरुद्ध मुद्दा दर्ता गरेको हो ।

अख्तियारले मेयर बस्नेत र उनकी श्रीमती उर्मिलामाथि जनही ९ करोड २२ लाख ४६ हजार ३२ घुस लिएको र सम्पत्ति शुद्धीकरण अन्तर्गत १३ करोड १२ लाख ७३ हजार ३२ बिगो माग दाबी गर्दै मुद्दा दायर गरेको हो ।

मेयर मोहनबहादुर र उनकी श्रीमती उर्मिलालाई सम्पत्ति शद्धीकरणमा सघाएकोमा टेलिभिजन संचालक कँडेललाई पनि आयोगले १३ करोड १२ लाख ७३ हजार ३२ बिगो माग दाबी गरेको छ ।