ओली पक्षकाे नेकपा केन्द्रीय कमिटीको बैठकमा बादल गएनन्

काठमाडाैं । नेपाल कम्युनिस्ट पार्टी (नेकपा) का अध्यक्ष केपी शर्मा ओलीले बोलाएको केन्द्रीय कमिटी बैठक बालुवाटारमा जारी छ ।  बैठकमा गृहमन्त्री रामबहादुर थापा बादल आज पनि गएका छैनन् । 

केहीवेरअघि बालुवाटारमा सुरू भएको ओली पक्षीय केन्द्रीय कमिटी बैठकमा गृहमन्त्री बादल अनुपस्थित छन् । आफू निकट नेताहरुसँग परामर्शमै रहेकाले बादल प्रधानमन्त्रीले बोलाएको बैठकमा उपस्थित नभएकाे बादल निकट स्रोतले जानकारी दियो।

यसअघि आजै बिहान अध्यक्ष पुष्पकमल दाहाल ‘प्रचण्ड’ पुल्चोक पुगेर आफूलाई सहयोग गर्न बादलसमक्ष आग्रह गरेका थिए।

सोमबार बसेको प्रचण्ड-नेपाल पक्षीय भेलाले गृहमन्त्रीलाई राजीनामा दिएर सहयोग गर्न आग्रहसमेत गरेकाे थियाे ।