सभामुख अग्नि सापकोटाविरुद्ध परेको मुद्दा हेर्न नभ्याइने

काठमाडौं । सभामुख अग्नि सापकोटाविरुद्ध परेको मुद्धामा सुनुवाई आज नहुने भएको छ ।

प्रधानन्यायाधीश चालेन्द्रशम्शेर जबरा, दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठको संवैधानिक इजलासमा सापकोटाको मुद्दाको पेसी तोकिएको थियो । तर शुक्रबार उक्त मुद्धाको सुनुवाईमा पालो नआएपछि हेर्न नभ्याइने सर्वाेच्चले जनाएकाे छ ।

यसअघि ३० फागुन २०७६ मा यो मुद्दा पेसीमा चढाइएको थियो, तर हेर्न नभ्याएपछि सुनुवाई सरेको थियो । लामो समयदेखि सर्दै आएको मुद्दाको पेशी आजका लागि तोकिएको थियो ।

द्वन्द्वकालमा काभ्रेका अर्जुन लामाको हत्यामा संलग्न रहेको आरोपमा मृतककी श्रीमती पूर्णिमाया लामाले हालेको रिट सर्वोच्चमा विचाराधीन छ ।