लास जलाउने विद्युतीय मेसिन खरिदमा पनि भ्रष्टाचार, कमिसनमा कुरा नमिलेपछि भुक्तानी रोकियो

काठमाडौं । देवस्व र शिवस्व खानु हुँदैन भनिन्छ । तर पशुपति विकास कोषका सदस्य सचिव मिलनकुमार थापाले लास जलाउने दाउरादेखि विद्युतीय शवदाह गरिने मेसिन खरिदमा कमिसन मागेर भुक्तानी नै रोकेका छन् ।

अख्तियार दुरुपयोग अनुसन्धान आयोगले पशुपतिको मन्दिरमा सुनको जलहरी जडानमा दायर गरेको मुद्दा जितेर आएपछि सदस्य सचिव थापाले विद्युतीय शबदाह गृह निःशुल्क गर्ने घोषणा गरेका थिए ।

२०८१ साउनदेखि विद्युतीय शबदाहगृह निःशुल्क गर्ने भनिए पनि असोज १५ सम्म पनि सशुल्क नै छ । थापाले प्रतिबद्धता अनुसार शबदाहगृह निःशुल्क त गर्न सकेनन् नै कमिसन नदिएपछि खरिद गरिएका सबदाह गृहका मेसिनको भुक्तानी नै रोकेका छन् ।

पशुपति विकास कोषले सबदाह गृहका लागि ४ वटा मेसिन खरिद गर्ने निर्णय गरेको थियो । त्यसमा मनोज पुरीको कम्पनीले १० करोड रुपैयाँमा ठेक्का पायो । २ वटा सबदाह गर्ने मेसिन पुरीले गएको २०८१ फागुनताका नै जडान गरेका थिए । २ वटा मेसिनको ५ करोड भुक्तानी लिएपछि अरु २ वटा जडान गर्ने सम्झौता भएकोमा अहिलेसम्म भुक्तानी पाउन सकेका छैनन् ।

७ महिनाअघि सबदाह गृहमा जडान भएका मेसिनको भुक्तानी रोकिनुको कारण कमिसन नै भएको स्रोतको दाबी छ । स्रोतका अनुसार ठेकेदार पुरीसँग १ करोड कमिसन मागेको र नदिएपछि भुक्तानी रोकिएको छ । १ करोड कमिसन मागिएको र ठेकेदारले दिन नमानेपछि ७ महिनादेखि भुक्तानी रोकिएको छ । २ वटा मेसिनको भुक्तानी रोकिएका कारण थप २ वटा मेसिन समेत आपूर्ति हुन सकेको छैन ।

कोषको स्पेसिफिकेसनअनुसार आपूर्ति गरेको भए पनि पछिल्लो समयमा कमिसनमा कुरा नमिलेपछि थापाले विद्युतीय सबदाह गर्ने मेसिन कमसल गुणस्तरको भुक्तानी रोकिएको जवाफ दिने गरेका छन् ।

पशुपति विकास कोषका सदस्य सचिव मिलनकुमार थापासँग विद्युतीय शबदाह गर्ने मेसिन खरिदको भुक्तानी रोकिएको बारेमा प्रतिक्रिया लिन मंगलबार पटक पटक प्रयास गर्दा उनी सम्पर्कमा आउन चाहेनन्
।