मन्त्रिपरिषद् बैठक बस्दै, लकडाउनको अवधि बढाउने तयारी

 

काठमाडौं, २ बैशाख । कोरोना संक्रमितको संख्या थपिंदै १४ जना पुगेपछि लकडाउनको अवधि बढाउने तयारी सरकारले गरेको छ । कोरोना भाइरस संक्रमण फैलिन नदिन जारी लकडाउन र कोरोना नियन्त्रणमा सरकारले गरेका प्रयासहरुबारे समीक्षा गर्न आजै ११ बजे मन्त्रिपरिषदको बैठक बस्दैछ । मन्त्रिपरिषद बैठकले बैशाख १० गतेसम्म लकडाउन जारी राख्ने संभावना छ । प्रधानमन्त्री केपी शर्मा ओलीले चैत २५ को सम्बोधनमै २ हप्तासम्म लकडाउन लम्बिने संकेत गरेका थिए । 

कोरोना संक्रमितको संख्या गतहप्ता ९ जनामा सीमित थियो भनेर शनिबारदेखि बढेर १४ पुगेको छ । सोमबार मात्रै कोटेश्वरको सनसिटी अपार्टमेन्टमा बस्ने ३ जनालाई र्यापिड टेष्टमा कोरोना पोजेटिभ देखिएपछि पाटन अस्पतालको आइसोलेसनमा राखिएको छ । र, आज उनीहरुको पीसीआर टेष्टको रिपोर्ट आउँदैछ ।
पीसीआर टेष्टको रिपोर्ट नेगेटिभ आउने आशा गरिएको छ ।