यसकारण देखियाे सडकमा असन्तुष्टि

काठमाडौं । प्रमुख विपक्षी नेपाली कांग्रेसले सरकारकाे चर्काे आलाेचना गरेकाे छ।  कांग्रेस नेताहरुका अनुसार सरकारले गलत काम गरेकाले सडकमा असन्तुष्टि देखिएको छ। सरकार संविधानको मर्म अनुसार नचलेकाे उनीहरूले आराेप लगाएका छन्।

प्रधानमन्त्री केपी शर्मा ओलीले आह्वान गरेको सर्वदलीय बैठकमा राजतन्त्रको पक्षमा भइरहेको आन्दोलनबारे छलफल भएको थियो । कांग्रेस नेताहरुले भने अहिलेको सडकमा देखिएको असन्तुष्टि वर्तमान सरकारप्रति असन्तुष्टि भएको बताएका छन् ।

यस्ता प्रवृत्तिहरुले व्यपकता लिने नलिने सरकारको गतिविधिमा भरपर्ने कांग्रेसकाे भनाइ छ।

बैठकमा कांग्रेस नेताहरुले कोरोना रोकथाम र नियन्त्रणमा सरकार असफल भएको बताएको छ । तनहुँमा वरिष्ठ नेता रामचन्द्र पौडेलमाथि भएको धरपकडको विरोध गर्नुका साथै संसदको बैठक तत्काल बोलाउन समेत माग गरेको छ ।