नेकपा विवाद : स्थायी कमिटी बैठक मंसिर २८ सम्म स्थगित, केन्द्रीय कमिटी बैठक पनि सर्‍यो

काठमाडौं । नेपाल कम्युनिस्ट पार्टी (नेकपा) काे स्थायी कमिटी बैठक एक हप्ता पछि सरेकाे छ । प्रधानमन्त्रीसमेत रहेका अध्यक्ष केपी शर्मा ओली बिना बसेकाे बैठकले स्थायी कमिटी बैठक मंसिर २८ सम्मलाई स्थगित गरेकाे हो ।

बैठकमा प्रधानमन्त्री एवं अध्यक्ष केपी शर्मा ओली र पुष्पकमल दाहालका प्रस्ताव पेश भएको थियो । उक्त प्रस्ताव अध्ययनका लागि भन्दै बैठक २८ गते सम्मलाई स्थगित भएको नेकपा प्रवक्ता नारायणकाजी श्रेष्ठले जानकारी दिए । 

बैठकमा ओली सहभागि थिएनन् । तर, बैठकलाई सम्बोधन गर्दै उनले पत्र पठाएका थिए । पत्रमा ओलीले पुरानै अडान दोहोर्‍याएको प्रवक्ता श्रेष्ठले बताए ।

ओलीले अर्का अध्यक्ष दाहालको प्रस्ताव पार्टी कमिटीमा छलफलका लागि योग्‍य नभएको भन्दै त्यसको फिर्ताको अडान राखेका छन् । यस्तै, मंसिर २५ गते निर्धारित गरिएको केन्द्रीय कमिटीको बैठक पुस ५ लाई सरेको छ ।