पञ्चायत र कम्युनिस्ट उस्ता-उस्तै देखिए : वरिष्ठ नेता पौडेल

दमौली । नेपाली कांग्रेसका वरिष्ठ नेता रामचन्द्र पौडेलले केपी ओली नेतृत्वकाे सरकारले कम्युनिस्ट अधिनायकवाद लाद्न खोजेकाे आराेप लगाएका छन् । 

नेपाल प्रेस युनियन तनहुँले दमौलीमा गरेको पत्रकार सम्मेलनमा बोल्दै उनले अहिले कम्युनिस्ट अधिनायकवाद लाद्न खोजिएको छ, उनले भने,’ पञ्चायत र कम्युनिष्ट उस्तै देखिएका छन्।’ 

देशमा लोकतन्त्र सानो दुःखले नआएको भन्दै कुनै पनि नाममा राजतन्त्र नफर्कने दावी गरे । ईश्वर वा कसैको नाममा प्रतिगमन हुन सक्दैन, ‘ उनले भने,’ ।

राजतन्त्रका पक्षमा भएको आन्दोलनप्रति लक्षित गर्दै उनले यसले राजतन्त्र फर्काउन नसक्ने बताए। उनले लोकतन्त्र जोगाउने र परिष्कृत गर्ने आन्दोलन आवश्यक रहेको भन्दै त्यो तनहुँबाट सुरू गर्ने बताए ।

पौडेलले कांग्रेसको शासनमा नै धेरै विकास भएको दावी गर्दै अहिले सरकारले विकासमा जस लिन खोजेको जिकिर गरे। नेता पौडेलले कांग्रेसको १४ औँ महाधिवेशन तोकिएको अवधिमा नै हुनुपर्ने बाएका छन्।