कांग्रेसले संसदीय छानबिन समिति नबनेसम्म प्रधानमन्त्रीलाई विश्वासको मत लिन नदिने

काठमाडौं । सहकारी ठगीका बारेमा संसदीय छानबिन समिति नबनेसम्म कांग्रेसले प्रधानमन्त्रीलाई विश्वासको मत लिन नदिने भएको छ । प्रधानमन्त्री पुष्पकमल दाहाल प्रचण्डले सोमबार विश्वासको मत लिंदैछन् ।

कांग्रेसले संसदीय छानबिन समिति नबनेसम्म संसद बैठक पनि चल्न नदिने बताएको छ ।

शनिबार संसदीय सुुनुवाइ समिति बनाउने सहमति भए पनि त्यसको कार्यादेश(टीओआर) बनाउँदा रवि लामिछाने र ग्यालेक्सी टीभी उल्लेख हुनुपर्ने माग कांग्रेसको छ । तर एमाले र रास्वपा लगायतका सत्ताधारी दल भने समग्र सहकारी उल्लेख गर्ने, लामिछाने र ग्यालेक्सीको नाम राख्नु नहुने पक्षमा छ । टीओआरमै सहमति नभएकाले समिति गठन हुन सकेको छैन ।