खड्का ल्याण्डसँगको सम्झौता विवरण उपलब्ध गराउन खेलकुद मन्त्रालयको नेपाल स्काउटलाई पत्र

काठमाडौँ । युवा तथा खेलकुद मन्त्रालयले नेपाल स्काउटलाई पत्र लेखेर खड्का ल्याण्ड डेभलपमेन्ट प्रालिसँग भएको सम्झौताको विवरण उपलब्ध गराउन निर्देशन दिएको छ ।

बुधबार मन्त्रालयका उपसचिव लेखनाथ न्यौपनेले पत्र लेख्दै खड्का ल्याण्ड डेभलपमेन्टसँग भएको सम्झौताको पूर्ण विवरण पठाउन नेपाल स्काउटलाई निर्देशन दिएका हुन् ।

खड्का ल्याण्ड डेभलपमेन्ट प्रालि नेपाली कांग्रेसका सांसद दिपक खड्काको कम्पनी हो ।

उनले स्काउटको जग्गा कौडीको मूल्यमा लिजमा लिएर करोडौं भाडा उठाउँदैआएका छन् । सरकारी जग्गा कौडीको मूल्यमा लिएका उनले सर्वोच्च अदालतमा ुसेटिङ गरी अन्तरिम आदेश ल्याएर स्काउटलाई चुनौती दिएका छन् ।