काठमाडौ,२४ चैत । इटालीमा पछिल्लो २४ घण्टामा नोबेल कोरोना भाइरसको कारण मृत्यु हुनेको संख्या ५२५ पुगेको छ । यहाँ दुई सातायता मृत्यु हुनेको संख्या घटदै गएको छ ।
साथै इटलीमा समग्र मृत्यु हुने मानिसको संख्या पनि १५ हजार ८७७ पुगेको छ । आइतबार सार्वजनिक गरिएको दैनिक मृत्यु हुनेको संख्या इटलीको लागि दुई सातायताकै कम हो ।
इटलीमा आइतबार चार हजार ३१६ नयाँ संक्रमित फेला परेका छन् । यससँगै इटलीमा समग्र संक्रमितको संख्या पनि एक लाख २८ हजार नाघेको छ ।
संक्रमितको संख्यामा पनि पछिल्लो केही दिनयता निरन्तर कमी आइरहेको छ । अहिलेसम्म इटलीमा २१ हजार ८१५ जना संक्रमित निको भइसकेका छन् । अहिले इटलीमा ९१ हजारभन्दा धेरै कोभिड १९ का बिरामी निको हुन बाँकी छन् ।
इटलीमा पछिल्लो साता सातादेखि भाइरस नियन्त्रणका लागि लकडाउन गरिएको छ ।
