नगरपालिकाका उपप्रमुख महतोको गाडीमा आगजनी

जनकपुरधाम । महोत्तरी गौशाला नगरपालिकाकी उप-प्रमुख रेणुकुमारी महतो चढ्ने सरकारी गाडीमा मध्यराति आगजनी गरिएको छ।

गौशाला नगरपालिका १ रामनगरस्थित उपप्रमुख महतो आफ्नै घर अगाडी पार्किङ गरेर राखेको प्रदेश २-००२-००१ झ ०००५ नम्बरको गाडीमा अज्ञात समूहले आगजनी गरेका हुन् । पछाडिको टायरमा पेट्रोल छर्केर आगो लगाइएको देखिएको छ ।

आइतबार बिहानै करिब दुई बजेतिर उपप्रमुख महतो चढ्ने गाडीमा आगजनी गर्दा पछाडिको भागमा सामान्य क्षति पुगेको महोत्तरीका प्रहरी प्रवक्ता डिएसपी दिलीपकुमार गिरीले बताए ।

उनका अनुसार आगजनी कसले गरेको विषयमा केहि खुलेको छैन । अनुसन्धान भइरहेको छ ।

उपप्रमुख महतो जनता समाजवादी पार्टी (जसपा)बाट निर्वाचित हुन् ।