हेटौंडाबाट ५ किलो चाँदीसहित तीन जना पक्राउ

हेटौंडा। हेटौंडा उपमहानगरपालिका-१५ स्थित प्रहरीको सुरक्षा पोष्टबा ५ किलो चाँदीसहित ३ जनालाई प्रहरीले पक्राउ गरेको छ ।

पक्राउ पर्नेमा चितवनको खैरहनी नगरपालिका–३ का ३२ वर्षीय राम भट्ट, भरतपुर महानगरपालिका–२९ का २७ वर्षीय मिनबहादुर गुरुङ र भारत महाराष्ट्रका २४ वर्षीय विजय मारुती छन् ।

सोमबार प्रहरी चौकी रातोमाटेबाट खटिएको प्रहरी टोलीले पथलैयाबाट हेटौंडातर्फ आउँदै गरेको बा १२ च ७१४० नम्बरको कारलाई सुरक्षा जाँच गर्दा कारको पछाडी लुकाई ल्याएको ५ किलो चाँदीसहित उनीहरुलाई पक्राउ गरेको वाग्मती प्रदेश प्रहरी कार्यालय हेटौंडाले जनाएको छ ।

चाँदी, कार र तीनै जनालाई जिल्ला प्रहरी कार्यालय लगिएको छ