प्रधानमन्त्री प्रचण्डसँगै दुबई जाने भ्रमण दलमा को को छन् ?

काठमाडौं । जलवायु परिवर्तनसम्बन्धी राष्ट्रसंघीय सम्मेलन कोप २८ मा सहभागी हुन प्रधानमन्त्री पुष्पकमल दाहाल ‘प्रचण्ड’ नेतृत्वको प्रतिनिधि मण्डलको नाम टुंगो लागेसंगै टोली बिहीबार त्यसतर्फ प्रस्थान गर्ने भएका छन्।

परराष्ट्र मन्त्रालयका अनुसार संयुक्त अरव इमिरेट्समा हुन लागेको सम्मेलनमा सहभागी हुन् भोलि टोली बिहीबार त्यसतर्फ प्रस्थान गर्दैछ । सम्मेलन भोलिबाट सुरू हुँदैछ ।

प्रधानमन्त्रीसँगै वन तथा वातावरण मन्त्री वीरेन्द्र महतो सहभागी हुनेछन्। त्यस्तै प्रधानमन्त्रीपुत्री गंगा दाहाल, राष्ट्रिय योजना आयोगका सदस्य प्रभु बुढाथोकी, अर्थ मन्त्रालयका सचिव कृष्णहरि पुष्कर, प्रधानमन्त्री कार्यालयका सचिव एकनारायण अर्याल, वन मन्त्रालयका सचिव दीपककुमार खरेल सहभागी छन् ।

सोही टोलीमा परराष्ट्र मन्त्रालयको सहसचिव सेवा लम्साल, प्रधानमन्त्रीका स्वकीय सचिव रमेश मल्ल, शिष्टाचार महापाल दीलिपकुमार पौडेल, प्रवीण भट्टराई, प्रधानमन्त्रीका वातावरण सल्लाहकार डा. पपुलर जेन्टल पनि भ्रमण दलमा छन् ।

दुबईमा नेपाली राजदूत तेजबहादुर क्षेत्रीसहित भ्रमण दलमा उपनियोग प्रमुख विशाल भट्टराई, तीलबहादुर सुनारलगायत सहभागी हुनेछन् ।

उक्त भ्रमण दलमा सरकारी सञ्चारमाध्यमका पत्रकार र प्रधानमन्त्रीका पीएसओ पनि रहनेछन् ।

यसैगरी सुरक्षाकर्मीहरू लेफ्टिनेन्ट कर्णेल निरज भण्डारी, डीएसपी सिद्धराज न्यौपाने र क्याप्टेन आशिष थापा पनि भ्रमण दलमा समावेश गरिएको स्रोतले बताएको छ।