बिहीबार पक्राउ परेका रिगल बाँके कारागार चलान

काठमाडौं । सर्वोच्च अदालतको आदेशबाट आममाफी बदर भएर पक्राउ परेका योगराज ढकाल (रिगल) लाई बाँके कारागार पठाइएको छ। बिहीबार पक्राउ परेका उनलाई आज बाँके जिल्ला अदालतले कारागार पठाएको हो ।

रिगल संविधान दिवसको अवसरमा सरकारको सिफारिसमा राष्ट्रपति रामचन्द्र पौडेलबाट कैदमाफी पाएर दाङ कारागारबाट छुटेका थिए ।

संविधान दिवसको अवसरमा सरकारको सिफारिसमा राष्ट्रपति रामचन्द्र पौडेलले दिएको सजाय छुट सर्वोच्चले बिहीबार बदर गरेको थियो । रिगलले बाँकेको नेपालगञ्जका चेतन मानन्धनरको हत्या गरेका थिए ।

हत्या आरोप पुष्टि भएर सजाय काटिरहेका रिगललाई बाँकी कैद माफी दिइएपछि चेतनकी तत्कालीन पत्नी भारतीले सर्वोच्चमा रिट दायर गरेकी थिइन् । उनले पटक पटक अनसन बसेर न्याय मागेकी थिइन् ।