सचिवालयका कर्मचारीमा कोरोना देखिएसँगै कांग्रेस सभापति देउवा आइसोलेशनमा

काठमाडौं । नेपाली कांग्रेसका सभापति शेरबहादुर देउवा अहिले आइसोलेशनमा बसेका छन् । उनको सचिवालयका एकजनामा कोरोना भाइरसको संक्रमण देखिएसँगै उनी आइसोलेशनमा बसेका हुन् । सचिवालयमै कार्यरत कर्मचारीमा कोरोना भाइरसको संक्रमण देखिएसँगै सभापति देउवालाई संक्रमणको जोखिम भएको हो । 

सचिवालयका कर्मचारीमा कोरोना संक्रमण देखिएपछि सभापति देउवा पनि कन्ट्रयाक्ट ट्रेसिङमा परेका हुन् । बूढानीलकण्ठ स्रोतले उनको स्वाब परीक्षणका लागि चिकित्सकसँग परामर्श भैरहेको जनाएको छ। 

सचिवालयकै कर्मचारीमा संक्रमण देखिएकाले स्वास्थ्य प्रोटोकल अनुसार उनको पनि कोरोना परीक्षण गर्ने तयारी भएको थाहा भएको छ । शुक्रबार उनको स्वाब लिएर परीक्षण गर्ने तयारी रहेको बताइएको छ ।