एमालेको अवरोधपछि प्रतिनिधिसभा बैठक आधा घण्टाका लागि स्थगित

काठमाडौँ । नेकपा एमालेले आजको प्रतिनिधिसभा बैठकमा प्रधानमन्त्री पुष्पकमल दाहाल प्रचण्डको राजीनामा मागेको छ । आज अपराह्न ४ बजे बसेको बैठकको सुरुमा बोल्दै एमाले सांसद रघुजी पन्तले प्रधानमन्त्रीले बोलेको कुराले नेपालको स्वाभिमानलाई ठेस पुगेको भन्दै नैतिकताको आधारमा राजीनामा मागेका छन् ।

प्रधानमन्त्री दाहालले सोमबार एक पुस्तक विमोचन कार्यक्रममा प्रितम सिंह आफूलाई प्रधानमन्त्री बनाउन पटक–पटक दिल्ली गएको अभिव्यक्ति दिएको भन्दै संसद् अवरुद्ध गरिएको हो।

एमालेसहित विपक्षी दलले प्रतिनिधिसभाको बैठकमा प्रचण्डको उक्त अभिव्यक्तिलाई लिएर बैठक अवरुद्ध गरेपछि सभामुख देवराज घिमिरेले बैठक आधा घण्टाका लागि स्थगित गरेका छन् ।