ललितपुर महालक्ष्मी नगरपालिकाका मेयरलाई कोरोना संक्रमण

पछिल्ली तीन दिनदेखि ज्वरोले ग्रस्त भएका उनको पीसीआर परीक्षण गर्दा कोरोना पुष्टि भएको हो । उनको श्रीमतीलाई समेत कोरोना संक्रमण पुष्टि भएको बताइएको छ । हाल उनको किस्ट अस्पतालमा उपचार भैरहेको छ ।

मेयर श्रेष्ठले आफ्नो बारेमा जानकारी दिँदै लेखेका छन्, ‘आदरणीय नगरबासी दाजुभाइ तथा दिदिबहिनीहरु, विश्व माहामारीको रुपमा फैलिएको कोरोना भाइरसलाई हाम्रो नगरमा फैलिन नदिन, नियन्त्रण र रोकथाम गरी नगरबासीहरुलाई सुरक्षित राख्न निरन्तररुपमा खटिरहँदा म आफै कोरोना भाइरसबाट संक्रमित भइ हाल उपचारमा रहेको जानकारी गराउँदै यो रोगलाइ छिट्टै जितेर पुन नगरलाई सुरक्षित बनाउने अभियानमा निरन्तर जुट्ने छु ।’