एमाले अध्यक्ष ओली र माओवादीका महासचिव गुरुङबीच भेटवार्ता

काठमाडौँ। नेकपा एमाले अध्यक्ष केपी शर्मा ओली र नेकपा माओवादी केन्द्रका महासचिव देवप्रसाद गुरुङबीच भेटघाट भएको छ। 

माओवादीका महासचिव गुरुङले मंगलबार ओली निवास बालकोट गएर अध्यक्ष ओलीसंग भेटेका हुन् ।

‘चुनावमा राम्रो नतिजा ल्याएकोमा मैले केपी कमरेडलाई भेटेर बधाई दिन गएको हुँ । अरु पाँच दलका नेताहरूलाई बैठकमै भेटिन्छ कुराकानी हुन्छ’ गुरुङले भने– ‘उहाँ (केपी ओली) लाई अन्त भेट नहुने भएपछि निवासै गएको हुँ । बधाई र शुभेच्छा प्रकट गरेको हुँ । अरु विषयमा कुराकानी भएन ।’ 

माओवादी अध्यक्ष पुष्पकमल दाहाल प्रचण्डले ओलीलाई भेटेरै बधाई दिन महासचिव गुरुङलाई ओली निवासमा पठाएका हुन् । गुरुङले ओलीलाई एक घण्टाभन्दा बढी समय कुराकानी गरेको बताएका छन् ।