काठमाडौं । फिलिपिन्सका राष्ट्रपति रोड्रिगो डुटेर्टेले कोरोना भाइरसको भ्याक्सिन बनाउने रूसको प्रयासको खुलेर प्रशंसा गरेका छन् ।
समाचार एजेन्सी रोयटर्सकाअनुसार उनले रूसको भ्याक्सिन ट्रायलमा सहभागी हुने पनि इच्छा व्यक्त गरेका छन् । फिलिपिन्सका राष्ट्रपतिले रूसले तयार गरिहरेको भ्याक्सिनको पहिलो प्रयोग आफूमा गर्न सकिने पनि प्रस्ताव गरेका छन् ।
मंगलबार डुटेर्टेको कार्यालयले भनेको छ, ‘फिलिपिन्स रूसको भ्याक्सिनका साथ खडा छ । र ट्रायल, उत्पादनका साथ आपूर्तिमा पनि सहयोग गर्न इच्छुक छ ।’
रूसले फिलिपिन्सलाई यो भ्याक्सिन उपलब्ध गराउने प्रतिवद्धता गरेको छ । फिलिपिन्समा पनि रूसको भ्याक्सिनको उत्पादन गर्न सकिने बताइएको छ ।
फिलिपिन्समा अहिलेसम्म कोरोना भाइरसबाट एक लाख ३६ हजार ६३८ जना संक्रमित भइसकेका छन् ।
