काठमाडौँ । गोंगबु गणेशस्थानमा दाङका कृष्णबहादुर बोहराको हत्या गरेर फाल्नेमध्येका एक आरोपीलाई प्रहरीले चितवनबाट प्रहरीले पक्राउ गरेको छ । बोहराको हत्यामा संलग्न भएको आशंका गरिएकी कल्पना शाहीलाई प्रहरीले चितवनको टाँडीस्थित माधवपुरबाट सोमबार पक्राउ गरेको छ ।
पक्राउ परेकी शाहीलाई प्रहरीले काठमाडौं ल्याउँदैछ । आइतबार विहान बोहराको शरीरको मुख्य भाग सुटकेशमा तथा टाउको र खुट्टा जेब्रा झोलामा फेला परेको थियो । हत्या गरिएका बोहरा नयाँबजारस्थित एक गार्मेन्टमा काम गर्थे । उनको पहिचान हुन नसकेपछि महानगरीय अपराध महाशााखाले सोमबार सब पहिचानका लागि तस्वीर सार्वजजिक गरेको थियो ।
टोखा नगरपालिका–१० स्थित गोंगवु गणेशस्थानमा फेला परेको शव पहिचान गर्न प्रहरीलाई हम्मे परेको थियो । सोमबार बोहराका मामाले शवको सनाखत गरेका थिए । त्यसपछि मात्र प्रहरीले हत्या गरेको घर पत्ता लगाएको थियो । गोंगबुस्थित नवज्योती मार्गमा रहेको किरण बस्नेतको घरको तेस्रा तल्लामा हत्या गरेर बोहराको शवलाई ५० मिटर पर सडकमा फालिएको थियो । मुख्य बडीको करिब २ सय मिटर पर टाउको र खुट्टा फेला परेको थियो ।
