स्याङ्जा-२ र बाजुरामा  पुनः मतदानको सट्टा मतगणना नै गर्ने आयोगको निर्णय

काठमाडौं । निर्वाचन आयोगले स्याङ्जा क्षेत्र नम्बर २ र बाजुरामा पुनः मतदान नगर्ने निर्णय गरेको छ । स्याङ्जा-२ र बाजुरामा पुनः निर्वाचन गर्ने कि मतगणना सुरु गर्ने भन्ने विषयमा आज आयोगको बैठक बसेको थियो। आयोगको उक्त बैठकले पुनः मतदानको सट्टा मतगणना नै गर्ने निर्णय गरेको हो ।

मंसिर ४ गते भएको निर्वाचनको मतगणना थाल्न आयोगले निर्देशनसमेत दिएको छ ।

स्याङ्जा र बाजुरामा नेकपा एमाले र नेपाली कांग्रेसले एक–अर्कालाई बुथ कब्जा गरेको आरोप लगाइरहेका थिए । एमालेले पुनः मतदानको माग गरिरहेको थियो भने कांग्रेसले मतगणनामा जोड दिइरहेको थियो। 

उक्त विषयलाई लिएर धाँधली भएको भन्दै विवाद उत्पन्न भएपछि यी क्षेत्रमा मतगणना हुन सकेको छैन ।