एजेन्सी। भारतमा आफ्नै ज्वाइँले ससुराली गई पेट्रोल छर्केर आगो लगाएका छन्।
भारतको पञ्जाबस्थित मेहतपुरमा ज्वाइँ कुलदीप सिंहले ससुरालीमा पेट्रोल छर्केर आगो लगाउँदा पत्नी, सासु, ससुरासहित ५ जनाले ज्यान गुमाएका छन्।
घटनामा कुलदीपकी पत्नी परमजीत कौर, छोरा गुरमोहल, छोरी अर्शदीप कौर, सासु जंगीद्रो बाई र ससुरा सुरजन सिंहको मृत्यु भएको छ । कुलदीपले घरभित्र ५ जनामाथि पेट्रोल छर्केर आगो लगाई बाहिरबाट ढोका बन्द गरेका थिए ।
प्रहरीका एसपी सरबजीत सिंहले कुलदीपले साथीहरूसँग मिलेर हत्या गरेको बताएका छन् । कुलदीपसँग परमजीतको दोस्रो विवाह थियो र परमजीत उनीसँग बस्न इच्छुक थिइनन् तर कुलदीप पत्नीलाई घर लैजान चाहन्थे ।
कुलदीपले रक्सी खाएर पत्नी परमजीतमाथि दैनिक कुटपिट गर्ने, छोराछोरीलर बाबुसंग बस्न नमान्ने भएपछि उनी माइतीघरमै बस्न थालिन् तर यस्तैमा रिसाएर कुलदीपले पेट्रोल छर्केर सबैको हत्या गरेका भारतीय सञ्चारमाध्यमले जनाएका छन्।
