दोहोरो नागरिकता लिने धमाधम फन्दामा पर्दै

काठमाडौं । दोहोरो नागरिकता लिनेहरु एकपछि अर्को फन्दामा पर्न थालेका छन् । राहदानी विभागमा राहदानी लिन गएका सेवाग्राहीको व्यक्तिगत तथ्याङ्क विश्लेषण गर्दा दोहोरो नागरिकता लिने व्यक्ति फेला परेका हुन् ।

विभागका महानिर्देशक सुरेन्द्रकुमार यादवका अनुसार विद्युतीय राहदानी लिनेको विवरण सही वा गलत हो भनेर परीक्षण गर्ने क्रममा दोहोरो नागरिकता लिने व्यक्ति भेटिएका हुन् । 

हालसम्म करिब एक सय जनाको दोहोरो नागरिकता फेला पारिएको छ । महानिर्देशक यादवका अनुसार विद्युतीय राहदानीका लागि आवेदन दिएपछि तोकिएको मितिमा फोटो खिच्ने र डिजिटल हस्ताक्षर गराउने कार्य (लाइभ इनरोलमेन्ट) गरिन्छ । यो समाचार आजको गोरखापत्र दैनिकमा छ ।