संसद बाहिरका ४ कम्युनिष्ट पार्टीद्धारा आन्दोलनको घोषणा, यस्ता छन संघर्षका कार्यक्रम

काठमाडौं । राष्ट्रिय स्वाधीनताको रक्षा र जनजीविकाको सवालमा संसद बाहिरका चारवटा कम्युनिस्ट पार्टीहरुले साउन १० देखि २१ गतेसम्म बिभिन्न प्रकारका संघर्षका कार्यक्रम गर्ने घोषणा गरेका छन् ।

आज काठमाडौंमा संयुक्त पत्रकार सम्मेलन गर्दै उनीहरुले एसपीपी, महँगी र नागरिकता विधेयकका विरुद्ध आन्दोलनका घोषणा गरेका हुन् । 

आजको पत्रकार सम्मेलनमा उनिहरुले साउन १० गते पत्रकार सम्मेलन, साउन १३ गते देशव्यापी कोणसभा, साउन १५ गते देशव्यापी मसाल जुलुस, साउन १८ गते काठमाडौंमा अन्तरक्रिया, २१ गते प्रदेश सदरमुकाम र काठमाडौंमा विरोध प्रदर्शनका कार्यक्रम सार्वजनिक गरेका हुन् ।

पहिलो चरणको संघर्षका कार्यक्रमपछी पुनः बैठक बसेर दोस्रो चरणका कार्यक्रम घोषणा गरिने नेकपाका अध्यक्ष ऋषि कट्टेलले जानकारी दिए । 

आन्दोलन घोषणा गर्ने पार्टीहरूमा विप्लव नेतृत्व र ऋषि कट्टेल नेतृत्वको नेपाल कम्युनिस्ट पार्टी, वैज्ञानिक समाजवादी कम्युनिस्ट पार्टी नेपाल र नेकपा समाजवादी रहेका छन् ।