प्रचण्ड आजबाट अत्यावश्यक कामका लागि मात्र बाहिर निस्कने 

काठमाडौँ, ६ चैत । नेपाल कम्युनिस्ट पार्टीका अध्यक्ष पुष्पकमल दाहाल (प्रचण्ड) आजदेखि अत्यावश्यक कामको लागि मात्र घरबाट बाहिर निस्कने भएका छन् ।  विश्वका अधिकांश देशमा फैलिएको कोरोना भाइरस ( कोभिड १९)लाई ध्यानमा राखी प्रचण्डले उक्त निर्णय लिएका हुन् । 

 उनकी छोरी गंगा दाहालले आफ्नो फेसबुकमा प्रचण्डले अत्यावश्यतकबाहेकका भेटघाट स्थगित गरेको उल्लेख गरेकी छिन् । 

सरकारले कोरोना भाइरसको संभावित जोखिम न्यूनिकरण र रोकथामका लागि भन्दै बुधबार अत्यावश्यक काममा बाहेक सकभर घरमै बस्न भनेको छ।

यसका अलावा जिम, सिनेमा हल, स्कूल, स्पा लगायतका सामुहिक जमघट हुने विभिन्न स्थान बन्द गर्ने घोषणा गरेको थियो।