वीरगञ्ज महानगरमा सरावगीभन्दा राजेशमान १०,३०७ मतले अगाडि

वीरगञ्ज । वीरगञ्ज महानगरपालिकाको मेयरमा जनता समाजवादी पार्टी (जसपा)का राजेशमान सिंह नेकपा एमालेका उम्मेदवार विजयकुमार सरावगीभन्दा सिंह १० हजार ३०७ मतले अगाडि छन् ।

पछिल्लो मत परिणाम अनुसार राजेशमानले २२ हजार ५९६ मत पाएका छन भने सरावगीले १२ हजार २८९ मत ल्याएका छन् । राप्रपाका गिरिश गिरीले १ हजार ४२४ मत पाएका छन् । हालसम्म मेयर पदमा ९ हजार ३९१ मत बदर छ ।

उपप्रमुखमा नेपाली कांग्रेसका इम्तियाज आलमले लोकतान्त्रिक समाजवादी पार्टी (लोसपा) का पुरुषोत्तम लाल झा भन्दा झण्डै ५ गुणा बढी मत ल्याएका छन् ।

इम्तियाजले १६ हजार ८६१ मत पाउँदा झाले ३ हजार ५७६ मत मात्रै पाएका छन् । उपमेयरमा बदर मत २१ हजार ४४६ छ ।