बार एशोसिएसनमा घिमिरे समूहको प्रचण्ड बिजयः दोब्बर मतले एमाले निकट अधिकारी पराजीत

काठमाडौ । नेपाल बार एसोसिएसनको २६ औँ केन्द्रीय कार्यसमितिका लागि भएको चुनावको मतगणना सकिएको छ । बार एशोसिएसनको अध्यक्षमा बृहत् लोकतान्त्रिक प्रगतिशील समावेशी तथा पेशागत कानून व्यवसायी समूहका तर्फबाट अध्यक्ष गोपालकृष्ण घिमिरेले  झन्डै दोब्बर मतान्तरले प्रगतिशील तथा पेशागत कानून व्यवसायी समूहका अध्यक्ष विष्णुमणि अधिकारीलाई पराजीत गरेका छन् ।

घिमिरेले ४ हजार ४ सय ७४ मत प्राप्त गरेका छन् । अधिकारीले २ हजार ४ सय ८२  प्राप्त गरेका छन् । १ हजार ९ सय ९२ मतान्तरले  घिमिरेले अधिकारीलाई पराजीत गरेका छन् । दोब्बर मत फरकमा एमाले निकट प्रगतिशील समूहका अधिकारी पराजीत भएका छन् । 

बार एशोसिएसनको निर्वाचनमा बृहत् लोकतान्त्रिक प्रगतिशील समावेशी तथा पेशागत कानून व्यवसायी समूहका सबै उम्मेदवारले फराकिलो मतान्तरमा एमाले निकट प्रगतिशील समूहलाई पराजीत गरेका छन् । बारको इतिहासमै यति धेरै मतान्तरले पराजीत हुने अध्यक्षका उम्मेदवारका रुपमा अधिकारी दर्ज भएका छन् । निलम्बित प्रधानन्यायाधीश चोलेन्द्रशमशेर राणाले उठाएका स्वतन्त्र समूहका पृथ्वीनाथ राईले १ सय ४२ मत प्राप्त गरेका छन् । 

महासचिवका उम्मेदवार अन्जिता खनाालले ३ हजार ६ सय ८२ मत प्राप्त गरी बिजयी भएकी छन् । उनी बृहत् लोकतान्त्रिक प्रगतिशील समावेशी तथा पेशागत कानून व्यवसायी समूहकी हुन् । महासचिवमा पराजीत भएका प्रगतिशील समूहका केदारप्रसाद कोइरालाले २ हजार ९ सय ८९ मत पाएका छन् । 

बार एशोसिएसनमा कसले कति मत पाए ? (सूचीसहित)