कञ्चनपुरमा ३ सय ४० मतदान केन्द्र निर्धारण

काठमाडौं । स्थानीय तहको निर्वाचनलाई लक्षित गरी कञ्चनपुरमा  ३ स य ४० मतदान केन्द्र निर्धारण गरिएको छ ।

जिल्ला निर्वाचन कार्यालयका प्रमुख उदयराज जोशीका अनुसार एक हजार मतदाता बराबर एकका दरले मतदान केन्द्र निर्धारण गरिएको हो  । 

मतदाताको चापलाई मध्यनजर गर्दै विगतको तुलनामा १० मतदान केन्द्र थप गरिएका हुन् । यसअघि ३ सय ३० मतदान केन्द्र रहेका थिए । 

कार्यालय प्रमुख जोशीका अनुसार एक मतदान केन्द्रमा चार जनाका दरले कर्मचारी खटाइनेछ। तीन सय ४० मतदान केन्द्रमा एक हजार ३ सय ६० कर्मचारीलाई खटाइने छ । 

अन्तिम नामावली प्रकाशनका लागि केन्द्रमा नामावली पठाइएको छ । थप मतदाता १९ हजार ८सय गरी यहाँ मतदाताको सङ्ख्या दुई लाख ९७ हजार ३ सय ४१ रहेको छ ।

स्थानिय तहको निर्वाचनलाई लक्षित गरी निर्वाचन कार्यालयले मङ्सिरयता दुई पटक नामावली सङ्कलनको कार्य गरेको थियो ।