पत्रकार सम्मेलन गर्दै प्रचण्ड

काठमाडाैं । एमसिसी पास भएपछि नेकपा माओवादी केन्द्रका अध्यक्ष पुष्षकमल दाहाल प्रचण्डले पत्रकार सम्मेलन गर्ने भएका छन् । 

पछिल्लो समय एमसिसी पास गर्न प्रचण्डले देखाएको द्वैध चरित्रको आलोचना भएसँगै उनले आज आफ्नै निवास खुमलटारमा पत्रकार सम्मेलन गर्न लागेका हुन् ।

एमसिसीको विरोधमा सडक आन्दोलन समेत गरेको माओवादी केन्द्रले आइतबार एमसिसी पारित गर्न राखिएको प्रतिनिधि सभा बैठकअघि संसदीय दलबाट एमसिसी अनुमोदनको निर्णय गरेकाे थियाे ।

प्रतिनिधि सभाको बैठकले व्याख्यात्मक टिप्पणीसहित एमसिसी पारित गरेको थियो । तर एमसिसीको विषयमा प्रचण्ड प्रतिनिधि सभा बैठकमा कुनै धारणा राखेका थिएनन् ।

पछिल्लोपटक विकसित राजनीतिक घटनाक्रमबारे प्रचण्डले पत्रकार सम्मेलन गर्न लागेका हुन् । पत्रकार सम्मेलन दिउँसो ३ बजे हुँदैछ ।