एमसीसी टेबल गर्दैमा पास हुन्छ भन्ने भ्रममा पर्नुस्, गठबन्धन जोगाउनमात्रै संसदमा लगिएकाे हाे: प्रचण्ड

काठमाडाैं । नेकपा माओवादी केन्द्रका अध्यक्ष पुष्पकमल दाहाल प्रचण्डले संसदमा एमसीसी टेबल गर्दैमा पास हुन्छ भन्ने भ्रममा नपर्न आग्रह गरेका छन् ।

बुधबारबाट काठमाडौमा सुरु भएको माओवादी केन्द्र वागमती प्रदेश कमिटीको दोस्रो पुर्ण बैठकलाई सम्बोधन गर्दै अध्यक्ष प्रचण्डले नेता तथा कार्यकर्ताहरूलाई भ्रममा नपर्न आग्रह गरेका हुन् ।

गठबन्धन जोगाउन एमसीसी टेबल गरेकाे बताउँदै उनले टेबल हुँदैमा पास हुन्छ भनेर नपर्न आग्रह गरेका हुन् ।

‘एमसीसी टेबल हुँदैमा पास गर्यो भनेर भ्रममा नपर्नुस्, गठबन्धन नै टुट्लाजस्तो भएपछि टेबल गर्न सहमति दिएको मात्रै हो’,  प्रचण्डको भनाइ थियो । ‘टेबल गर्दैमा केही बिग्रिदैन । यदि टेबल नगरेको भए सत्ता पक्षबाटै सभामुखकै विरुद्धमा पनि षड्यन्त्र हुनसक्ने बुझेर त्यसो गरिएको हो ।’