एकाबिहानै ठमेल पुगेर प्रकाशमानलाई भेटे प्रधानमन्त्री देउवाले, कांग्रेसका नेताहरु जन्ती जाँदै

 काठमाडौं । प्रधानमन्त्री शेरबहादुर देउवा शुक्रबार बिहानै कांग्रेस नेता प्रकाशमान सिंहलाई भेट्न ठमेलस्थित उनको निवासमा पुगेका छन् ।

प्रधानमन्त्रीको सचिवालयका अनुसार आज प्रकाशमानको कान्छो छोरा भाष्करमानको बिहे हुन लागेकाले कांग्रेस सभापति समेत रहेका देउवा सिंहको परिवारलाई भेट्न ठमेल पुगेका हुन् ।

बिहेको बधाई दिन देउवा प्रकाशमान सिंहको निवासमा गएको र त्यहाँबाट फर्किसकेको सचिवालयले जनाएको छ । यता प्रकाशमानको सचिवालयले पनि भेट विशुद्ध पारिवारीक भएको जनाएको छ ।  

प्रकाशमानको छोरा भाष्करमानको बिहे राणाकी छोरीसँग हयात होटलमा हुने बताइएको छ । अहिले जन्तीमा सहभागी हुन कांग्रेसका अन्य नेताहरु सिंह निवासमा भेला भइरहेका छन्।