नेपाल प्रहरीका डिआईजीद्वारा राजीनामा 

काठमाडौंं, २३ फागुन । नेपाल प्रहरीको तल्लो तहमा मात्र नभई उच्च तहमा समेत राजिनामा दिने क्रम बढेको छ । हालै एक डिआईजी राजिनामा दिएका छन् । प्रहरीको सञ्चार निर्देशनालयका प्रमुखका रुपमा कार्यरत डिआईजी डा.राजीव सुब्बाले मंगलबार राजिनामा दिएका हुन् । 

उनी चार वर्षअघि डिआईजीमा बढुवा भएका थिए । द्वन्द्व व्यवस्थापनमा सामाजिक सञ्जालको प्रयोगसम्बन्धि विषयमा बिद्यावारिधी गरेका उनले प्रहरीबाहिरै धेरै अवसर देखेपछि राजिनामा दिएका हुन् । गृह मन्त्रालयले उनको राजिनामा स्वीकृत समेत गरेको छ । 

पछिल्लो दुई वर्षमा नेपाल प्रहरीका अन्य दुई डिआईजीले राजिनामा दिएका थिए । आईजिपी बढुवामा असन्तुष्टि जनाउँदै रमेश खरेलले दुई वर्षअघि राजिनामा दिएका थिए । त्यस्तै कम्युटर निर्देशनालयकी प्रमुख रहेकी शिला कंसाकार कार्कीले पनि गत वर्ष राजिनामा दिएकी थिइन् । सरुवा बढुवा निष्पक्ष नहुने र ३० वर्षे सेवाहदका कारण प्रहरीमा राजिनाको क्रम बढीरहेको छ ।